Në Gjimnazin “Aleksandër Xhuvani” në Podujevë u mbajt një sesion informues për qëndrueshmërinë mjedisore dhe aktivizmin qytetar, ku të rinjtë u inkurajuan të angazhohen në përmirësimin e mjedisit në komunitetin e tyre. Gjatë aktivitetit, i organizuar nga ekipi i D+ me mbështetjen e Konrad-Adenauer-Stiftung Kosovo, u prezantua platforma Ndreqe.com, e cila u mundëson nxënësve të raportojnë problemet mjedisore dhe të kontribuojnë drejtpërdrejt në përmirësimin e hapësirave publike. Pjesëmarrësit u njohën gjithashtu me platformën e D+ për edukim medial, duke u fuqizuar për të kaluar “nga fjala në veprim” në mbrojtje të mjedisit. Organizatorët falënderuan nxënësit për energjinë dhe gatishmërinë e tyre për të qenë pjesë e ndryshimit në komunitet.