Punëtorët e NPL "Kastrioti" vazhdojnë me përkushtim pastrimin dhe mirëmbajtjen e objekteve publike në Komunën e Obiliqit, duke siguruar hapësira të pastra dhe të sigurta për qytetarët dhe stafin. Aktivitetet e fundit kanë përfshirë institucione të ndryshme si Qendrën Kryesore të Mjekësisë Familjare, Bibliotekën e Qytetit, Shtëpinë e Kulturës "Xhavit Haziri", palestrën sportive dhe shkollat lokale. Ky angazhim i vazhdueshëm kontribuon në ruajtjen e higjienës dhe krijimin e një ambienti të denjë për përdoruesit e këtyre institucioneve. NPL "Kastrioti" ka falënderuar punëtorët për përkushtimin e tyre të përditshëm në këtë proces të rëndësishëm.