Në Klinikën e Gjinekologjisë të Qendrës Klinike Universitare të Kosovës janë konfirmuar dy shtatzëni të reja pas procedurave të fertilizimit të asistuar (IVF), duke e çuar numrin total të rasteve të konfirmuara së fundmi në tre. Këto shtatzëni janë verifikuar përmes analizës së β-hCG-së, si pjesë e programit të fertilizimit të asistuar që po zhvillohet në sistemin publik shëndetësor të Kosovës. Në ditët në vijim pritet që të konfirmohen edhe shtatzëni të tjera, duke shënuar përparime të dukshme në ofrimin e këtyre shërbimeve për familjet në nevojë. Kjo situatë sjell shpresë dhe gëzim për çiftet që kërkojnë trajtim fertiliteti, si dhe për ekipin mjekësor që po punon në këtë fushë.