Për herë të parë në Qendrën e Paraburgimit në Mitrovicë u organizua një turnir garues në lojën e shahut, ku morën pjesë të burgosur nga komunitete të ndryshme. Turniri u zhvillua në një atmosferë sportive dhe konkurruese, duke nxitur rivalitetin, përkushtimin dhe respektin ndërmjet pjesëmarrësve. Garuesit patën mundësinë të demonstrojnë aftësitë e tyre në shah dhe të sfidojnë njëri-tjetrin në një ambient të drejtë dhe korrekt. Në përfundim, u ndanë mirënjohje për tre vendet e para, duke vlerësuar performancat më të mira gjatë garës.