Shkencëtarët nga Universiteti i Kembrixhit dhe Harvardit kanë zbuluar se sëmundja e Alzheimerit nuk përhapet në tru duke filluar nga një zonë e vetme, siç mendohej më parë. Në vend të kësaj, grupet e proteinave toksike prekin paralelisht rajone të ndryshme të trurit dhe grumbullohen aty gjatë dekadave. Ky zbulim bazohet në analizën e 100 incizimeve të trurit të personave të prekur dhe 400 mostrave të trurit të vdekur me këtë sëmundje, duke sfiduar teorinë e mëparshme që e përshkruante përparimin e sëmundjes si një reaksion zinxhir. Studiuesit theksojnë se përpjekjet për të ndaluar përhapjen midis rajoneve të trurit mund të kenë pak sukses, duke ndryshuar kështu qasjen ndaj trajtimit të Alzheimerit.