Ministri i Mjedisit Jetësor dhe Planifikimit Hapësinor, Muamet Hoxha, mori pjesë në aksionin ekologjik “Fundjava e Pastrimit”, një iniciativë që bashkon qytetarë, institucione dhe sektorin privat për pastrimin dhe ngritjen e vetëdijes për mbrojtjen e mjedisit. Ai theksoi rëndësinë e vazhdimësisë së këtyre aksioneve dhe rolin e vullnetit të përbashkët për të arritur rezultate konkrete. Ministria po punon paralelisht për vendosjen e një sistemi rajonal modern për menaxhimin e mbeturinave, që pritet të zgjidhë në mënyrë efikase këtë problem. Hoxha nënvizoi se qëllimi afatgjatë është ndërtimi i një kulture të qëndrueshme mjedisore, ku aksionet e pastrimit të mos jenë më të nevojshme.