Komanda e Doktrinës dhe Stërvitjes (KDS) ka realizuar kursin “Udhëheqës i Poligonit dhe Mbikëqyrës i Vijës së Zjarrit” me qëllim përgatitjen profesionale të pjesëtarëve për menaxhimin dhe mbikëqyrjen e poligoneve dhe vijave të zjarrit gjatë trajnimeve. Ky kurs synon të sigurojë zbatim të procedurave standarde, duke rritur sigurinë dhe efikasitetin gjatë realizimit të qitjeve dhe aktiviteteve stërvitore. Përmes këtij trajnimi, KDS synon ngritjen e kapaciteteve profesionale dhe rritjen e gatishmërisë së pjesëtarëve për të kryer detyrat ushtarake në mënyrë më të sigurt dhe efektive. Komanda do të vazhdojë të zhvillojë trajnime të tilla profesionale për të përmirësuar vazhdimisht nivelin e profesionalizmit dhe përgatitjen e forcave ushtarake.