Universiteti i Shkencave të Aplikuara në Ferizaj është shpallur fitues i dy projekteve ndërkombëtare në kuadër të programit Erasmus+ të Bashkimit Evropian, duke marrë vlerësim për cilësinë akademike dhe kapacitetet profesionale. Projektet fokusohen në forcimin e qeverisjes dhe sigurimin e cilësisë në arsimin e lartë, si dhe në integrimin e inteligjencës artificiale në proceset mësimore. Në kuadër të këtyre projekteve, universiteti do të bashkëpunojë me institucione nga vende të ndryshme si Franca, Spanja, Letonia, Portugalia, Egjipti, Jordania, Shqipëria dhe Kosova, duke krijuar mundësi të reja për studentët dhe stafin akademik.